Malsatego
De: Yohanes Manhitu
La folioj de la arboj
tuj fariĝas purpuraj
dum la tagoj tiel longaj
sen nutraĵo, sen trinkaĵoj.
Grano de rizo estas oro,
panero fariĝas perlo,
viando restas revo
kiam venas malsatego.
Almozistoj en la strato
povas rakonti historon
pri la stomako sen rizo
kiu atendas kontentigon.
Se vi volas scii la veron
pri havado de nenio en la mano,
vi ne intervjuu la riĉulon
ĉar troviĝas ĉio en lia domo.
Jogjakarto, Indonezio, 13/IV/2007
No comments:
Post a Comment