Saluton al farmisto

Al ĉiuj farmistoj

La tero fariĝas via amiko,
ĝardeno iĝas via ĝojo-portanto;
la pluvo tute lavas viajn larmojn,
la suno kaj la luno ĉiam salutas vin.
La garbejo atendas vian gloron.

Saluton, ho bona homo!
Vi forportas la mondan malsaton,
vi kondukas la mondon al manĝotablo.
Longa tago plenas je laŭdkantoj;
via ŝvito fluanta fariĝas ĝojo.

Jogjakarto, oktobre 2012

Gardanto de vilaĝo

Al ĉiuj, kiuj gardas la vilaĝon

Saluton al ĉiuj gardantoj de vilaĝo, loko amata!

Vi portas la ŝarĝon gardi interkonsenton;

vi restas por prizorgi familian riĉaĵon.

Estas vi, kiuj scias ordon garantiitan;

vi estas posedantoj de vilaĝo.

Dankegon al vi, ĉiuj gardantoj de vilaĝo,

pro via enuo kaj ŝvito fluanta kaj falanta.

Vi daŭrigas la vivon kaj gardas la aferon de ĉiu generacio;

vi bonvenigas al venantoj kaj al ili vi adiaŭas.

Gardantoj de vilaĝo, lando-amantoj kaj lingvo-majstroj.

Gardu bone nian vilaĝon ĝis kiam ni revenos.

Ne forlasu nian naskiĝlokon amatan.

Ĉiam ni sciu nian infanecan tempon.

Jogjakarto, oktobre 2012

Vera riĉaĵo

Al miaj geinstruistoj, gelektoroj & gegvidantoj

Oron kaj arĝenton li ne ŝatas,
palaco kaj brila domo estas preter lia revo.
Li volas serĉi la riĉaĵon veran kaj precizan.
Tio ja estas fido forta kaj scio pli alta.

Kiu posedas riĉaĵon havas vivan feliĉon;
kiu havas oron ne vivos kun ĝi longtempe.
Venu tuj serĉi riĉaĵon ĉiam freŝan kaj bonan.
Tio ja estas fido forta kaj scio pli alta.

Oro kaj arĝento povus iam malaperi,
palaco kaj brila domo falus kiel muro;
bovoj kaj bubaloj povus iam morti,
sed fido kaj scio ĉiam bone vivos.

Noemuti-Timoro, maje 2011 
Esperantigita el la poemo "'Maus amaneot",
verkis davanlingve kaj esperantigis Yohanes Manhitu

La vivo kaj ĝia elekto

Kiel vojaĝanto sur longa strato en iu urbo,
la okuloj vidos ĉion, kiu plaĉas al l’ koro espera.
Sed ne estas sufiĉa tempo por elekti ĉiujn.
Do rigardu zorgeme por elekti unu aŭ du
por ke nia longa vojaĝo havu valoron.

Plurfoje ni kapablas diri nenion
kiam ĉio venanta al ni estas tute bela
kiel la koloroj de ĉielarko super lago
kiam pluveto ĉesis jam je postagmezo.
Sed ne estas sufiĉa tempo por elekti ĉiujn.
Do rigardu zorgeme por elekti unu aŭ du
por ke nia longa vojaĝo havu valoron.

Ni vidas, ke estas diversaj vivaj elektoj.
Sed kial ni devas senti timon
kiam la prava elekto venas al vi
kaj la koro estas plena je ĝojo?

Noemuti-Timoro, maje 2011 
Esperantigita el la poemo "Monit nok in pilit",
verkis davanlingve kaj esperantigis Yohanes Manhitu