Wednesday, November 30, 2011

Hejmo


Sur la tero staras domoj
sed ne ĉiuj estas hejmoj,
tie la koro trovas pacon,
tie la korpo havas savon.

Birdo posedas sian neston,
formiko havas sian truon.
Se homo ne havas hejmon,
li ja perdas sian komforton.

Estas ja homoj sen domoj
trovantaj hejmojn ekterdome,
sub spacoj sen tegmentoj.
Eĉ tie oni sentas hejme.

Sur la tero troviĝas homoj
vivantaj en luksaj domoj
sed neniam troviĝas paco.
Domo ne ĉiam iĝas hejmo.

Noemuti-Timoro, februare 2010

No comments: