Monday, August 31, 2015

Brua vento



La vento ankoraŭ bruas, ĝi ne haltas.
La pluvo akompanas ĝin kaj malsekigas la landon.
Ĝia bruo regas tra la nokto malluma.
Sed, kiu volas aŭdi tiun ĉi bruon?

Kandelo lumigas min
verŝi mian koron, skribante;
esprimi miajn pensojn per vortoj,
ĉar elektra lampo ne funkcias.

Kial vi ĉiam venas, pluvo?
Kial vi ĉiam blovas, vento?
Lasu domojn esti ĉiam kun tegmentoj,
lasu kokosujojn havi foliojn kaj fruktojn.

Noemuti-Timoro, marte 2011

Esperantigita el la poemo "Anin aslutus",
verkis davanlingve kaj esperantigis Yohanes Manhitu

Eble vi volas reveni



Jam pasis longaj jaroj
kaj vi jam forlasis min.
Kiel iu vekiĝinta el sonĝo,
ĉu via koro daŭre vekiĝas?

Kiam ankoraŭ fekundis mia koro
por espero kaj por amo,
pro alia tenta intereso,
vi rompis nian decidon.


Antaŭ nelonge vi subite demandis
kaj vi vekis min el forgeso.
El la vortoj, kiujn vi sendis,
ĉu vi eble volas reveni?

Kefa-Timoro, februare 2011


Esperantigita el la poemo "Ait ho he mfain òm",
verkis davanlingve kaj esperantigis Yohanes Manhitu